النظرة الخجولة
عبدالرحمن بن مساعد
(1) مشاهدة
ما سالتوا صاحب النظرة الخجولة
كيف يسهرني وله وجه صبوح
كيف يظلمني وله طهر الطفولة
كيف يسكني وهو دايم يروح
وكيف انا القى ربيعه في فصوله
دام كذبه صادق وصدقه مزوح
له صفات تورد العاشق ذهوله
مستكين و صامت وكله جموح
اصعب الاشياء و اكثرها سهولة
اغمض الاشياء و اكثرها وضوح
سهل تغرم به وصعب انك تنوله
غامض ف طبعه و واضح في الجروح
اسعد بشوفه ولكن ما اطوله
كني الوادي وهو اعلى السفوح
يبتسم لا منهم عني حكوا له
ولا حكوا لي عنه اعماقي تنوح
لي بقلبه شي لكن ما يقوله
وله بقلبي كل لكني ابوح
كنه الغيمة و انا ارجي هطوله
ما نزل غيثه ولا برقه يلوح
ما عرفتوا ليه تسهرني فعوله
وليه يسكني وهو دايم يروح
هو يبيني بس اطباعه خجوله
وما يبي اغفى وهو وجهه صبوح
كيف يسهرني وله وجه صبوح
كيف يظلمني وله طهر الطفولة
كيف يسكني وهو دايم يروح
وكيف انا القى ربيعه في فصوله
دام كذبه صادق وصدقه مزوح
له صفات تورد العاشق ذهوله
مستكين و صامت وكله جموح
اصعب الاشياء و اكثرها سهولة
اغمض الاشياء و اكثرها وضوح
سهل تغرم به وصعب انك تنوله
غامض ف طبعه و واضح في الجروح
اسعد بشوفه ولكن ما اطوله
كني الوادي وهو اعلى السفوح
يبتسم لا منهم عني حكوا له
ولا حكوا لي عنه اعماقي تنوح
لي بقلبه شي لكن ما يقوله
وله بقلبي كل لكني ابوح
كنه الغيمة و انا ارجي هطوله
ما نزل غيثه ولا برقه يلوح
ما عرفتوا ليه تسهرني فعوله
وليه يسكني وهو دايم يروح
هو يبيني بس اطباعه خجوله
وما يبي اغفى وهو وجهه صبوح